MASAYANG ibinalita ni Senator Loren Legarda ang pagpasa sa third at final reading ng Blue Economy Bill.
Ayon kay Legarda, “Pasado sa third at final reading ng Senado ang Blue Economy Bill o Senate Bill No. 2450 na aking iniakda at inisponsoran.
”Ang panukalang batas na ito ay nagtatakda ng isang estratehikong balangkas para sa patuloy na pag-unlad ng ating blue economy. Sa pagbibigay-diin sa proteksyon at wastong paggamit ng ating oceanic resources, ang batas na ito ay magkakaroon ng mahalagang papel sa pag-unlad ng bansa.
”Salamat kina Senators Cynthia Villar, Grace Poe, Koko Pimentel, at Joel Villanueva para sa kanilang amendments, at sa iba ko pang mga kasamahan para sa kanilang suporta sa panukalang batas na ito.”
