BAGUHIN ang maling habit ng pagpasok sa EDSA Busway kung hindi naman awtorisado.
Sa operasyon ng Special Operations Group-Strike Force ngayong araw, Enero 3, halos 100 pasaway ang nahuli na dumaan sa EDSA Bus Carousel lane at iba ibang klase ng paglabag sa batas trapiko.
Maging disiplinado at responsableng motorista. Ang pinapayagan lamang na gumamit ng EDSA Busway ay ang mga pampasaherong bus na nag-o-operate sa EDSA Busway route; ambulansya, fire trucks, sasakyan ng Philippine National Police; at service vehicles para sa EDSA Busway Project (construction, security, janitorial, maintenance services).
Ang EDSA Busway ay pwede ring gamitin ng Presidente, Bise Presidente, Senate President, Speaker of the House of Representatives, at Supreme Court Chief Justice. (Teksto at larawan mula sa Facebook page ng MMDA)
