BUKAS na sa publiko ang two-storey Muntinlupa Gateway Center matapos itong pasinayaan noong Disyembre 5, 2023 sa Barangay Alabang.
Layunin nitong palakasin ang komersiyo sa lugar para sa mga business enterprises na nais magrenta at makapagbigay ng retail services para sa mga Muntinlupeño.
Ayon kay Mayor Ruffy Biazon, ang gusali ay bahagi ng urban renewal vision ng lungsod kung saan itinuturing na “face of Muntinlupa” at “central hub of transportation” ang Alabang.
Ibinida naman ni City Assessor’s Office Head Atty. Genalyn Estrera na magkakaroon sa naturang Gateway Center ng dialysis center at Mercury Drug store.
Dumalo rin sina Vice Mayor Temy Simundac, Coun. Metong Sevilla, Coun. Arlene Hilapo, at Brgy. Chairperson Tin-tin Abas. (Muntinlupa PIO/PIA-NCR)
