DUMALO si Paranaque Mayor Eric Olivarez nitong Linggo sa payout ng Cash Assistance at Rice Distribution o CARD Program na ginanap sa 88 Square Mall sa Barangay San Dionisio at Barangay Don Bosco Gymnasium. Ayon sa punong lungsod, ito ang unang batch ng CARD program payout kung saan 10,000 benepisyaryo mula sa una at pangalawang distrito ang nakinabang.
Dagdag niya, bawat benepisyaryo ay nakatanggap ng P1,050 na cash assistance at 25kg na bigas na nagkakahalaga ng P950. Inihayag din ni Mayor Eric ang kanyang pasasalamat sa programang hatid ng tanggapan ni President Ferdinand Marcos Jr. at House Speaker Martin Romualdez katuwang ang tanggapan ni District 1 Congressman Edwin Olivarez at District 2 Congressman Gus Tambunting.
Aniya, higit na makakatulong ito sa mga residente ng lungsod upang makabili ng kanilang pangunahing pangangailangan.
