MALUGOD na sinalubong ng Manila Electric Company (Meralco) noong Sabado, Agosto 5, 2023, ang koponan nitong tumulong sa pagbabalik ng serbisyo ng kuryente sa Ilocos Norte matapos ang pananalasa ng Super Typhoon Egay (international name: Doksuri). Binubuo ng 44 katao ang koponan, kabilang na dito ang 32 engineer at linecrew na nagsagawa ng mga clearing operation at agarang pagbabalik ng serbisyo ng kuryente sa Ilocos Norte para matulungan ang mga nasalanta ng bagyo.
Bahagi rin ng koponan ang mga kinatawan ng One Meralco Foundation na naghatid ng higit sa 1,000 relief pack para mabigyan ng agaran at paunang tulong ang mga pamilyang lubhang naapektuhan ng bagyo. Patuloy ang pakikipag-ugnayan ng Meralco sa mga lokal na pamahalaan sa loob at labas ng franchise area nito para sa karagdagang tulong na maaaring ibahagi nito. Larawan mula sa Manila Electric Company
