TINIYAK ni Department of Social Welfare and Development (DSWD) Secretary Rex Gatchalian ang agarang pagbibigay ng malinis na tubig para sa mga residenteng lubhang naapektuhan ng bagyong Kristine sa Camarines Sur.
“From my discussion with Governor Luigi Villafuerte this morning, they are okay with the food. Mr. President, their main concern was water. I know we did send the water purification systems pero nagkataon, Mr. President, naipit ho yung trucks sa Milaor kasi naputol ho yung road na iyon, medyo baha pa ho. As an action step, Mr. President, we spoke to Manila Water and Maynilad Water, and they have already provided us with quite substantial number of those six-gallon na lalagyan and we are now working with the Philippine Air Force so we can airlift these,” sabi ni Secretary Gatchalian sa kanyang ulat kay Pangulong Ferdinand R. Marcos Jr.
Nagbigay ng ulat si Secretary Gatchalian sa Pangulo sa pamamagitan ng videoconference via Mobile Command Center na idineploy ng Field Office 5-Bicol Region sa Naga City.
Kasama ng Kalihim si Naga City Mayor Nelson Legacion at Camarines Sur 3rd District Congressman Gabriel Bordado sa ginanap na video conference.
Sa binigay na direktiba ni President Marcos, nagtungo si Secretary Gatchalian sa Camarines Sur upang personal na makita at i-monitor ang ground situation at on-going disaster
operations sa mga lalawigan ng CamSur na grabeng sinalanta ng bagyong Kristine.
Matapos ang pagi-ikot sa mga evacuation centers, iniutos ng Kalihim kay Disaster Response Management Group (DRMG) Undersecretary Diana
Rose Cajipe na makipag-ugnayan sa Manila Water Foundation at Maynilad Water Services, Inc. para sa pagbibigay ng malinis na tubig.
Inaasahang magbibigay ang Manila Water Foundation ng 400 piraso ng 5-gallon water containers, habang ang Maynilad Water Services ay nangakong magbibigay ng 2000 pieces ng 6-liter containers ng potable water.
Sa ginanap na briefing, tiniyak ng DSWD chief kay Naga City Mayor Nelson Legacion na magbibigay ang ahensya ng karagdagang family food packs (FFPs).
“For our regional warehouse Mr. President, we still have 86,000 family food packs and I assured na he can pick it up anytime. He has a standing request of 30,000, we are ready to distribute that, Mr. President. Of course, he will take charge with the last mile pero we still
have food on the ground, and I assured him already na ready ho ang national government to augment his needs,” sabi ni Secretary Gatchalian.
Bukod dito, nakatakda ding mamahagi ang DSWD Bicol Field Office ng mga hygiene kits at FFPs sa mga residenteng naapektuhan ng bagyo.
Kabilang naman sa mga nakasama ng Kalihim sa field visit sa Camarines Sur sina DRMG Asst. Secretary Irene Dumlao, at DSWD Field Office-5 Bicol Regional Director Norman Laurio. (DSWD)
