ANG mga PN Reservists mula sa 312nd Naval Squadron Reserve (NSR) ay tumulong sa MDRRMO ng Baao, Camarines Sur para magsagawa ng pre-emptive evacuation at pagsagip sa mga apektadong pamilya na nasa mababang bahagi o mga flood-prone areas ng munisipalidad ng Baao.
Samantala, ang 313rd NSR naman ay tumulong sa MDRRMO San Jacinto, Masbate upang magsagawa ng repacking ng mga damit para sa apektadong pamilya ng Brgy. Kinamaligan, Masbate City.
Dagdag pa rito, ang ibang reservists ay rumesponde sa landslide sa Brgy. Marinawa, Bato, Catanduanes. Hindi rin nagpahuli ang mga PN Reservists na bahagi ng 311st NSR-Albay na syang tumulong sa LGU ng Ligao, Albay upang mag-repack at mamahagi ng mga relief goods sa mga naapektuhang mamayan ng nasabing bayan.
