HINILING ni Minority Leader Aquilino “Koko” Pimentel III sa mga opisyal ng Department of Agrarian Reform (DAR) na isumite sa kanyang tanggapan ang kopya ng pag-aaral sa United Kingdom (UK) bridges program at ang dahilan kung bakit itinago ang naturang mga tulay sa isang imbakan sa Bataan.
“Magkano ang utang natin dito at magkano ang nasayang? I am joining Sen.(Francis “Tol”) Tolentino’s war on waste. Huwag nating sayangin ang resources ng gobyerno,” sabi ni Pimentel sa proposed 2025 budget hearing ng DAR Miyerkules, Oktubre 16, 2024. Ayon kay Tolentino, hindi ginamit ang modular bridge materials mula sa UK bagkus ay inimbak sa loob ng isang warehouse sa Mariveles, Bataan. Aniya, wala sa ilalim ng DAR ang UK bridge program. (File photo/Senate Public Relations and Information Bureau)
