MAGANDANG balita! Handog ng Pamahalaang Lungsod ng Makati ang Kadiwa ng Pangulo, kung saan mabibili ang murang bigas. Ito ay gaganapin sa Makati City Hall Quadrangle sa darating na Martes, Oktubre 1, 2024, mula 8:00 am hanggang 5:00 pm.
Ayon sa pamahalaang lungsod, ang mga senior citizens, persons with disability (PWD), 4Ps members, at solo parents ay makabibili ng 29 pesos per kilo ng bigas sa gaganapin na Kadiwa ng Pangulo. Maaaring makabili ng hanggang 10 kilo ang bawat isang cardholder.
Paalala ng pamahalaang lugnsod na dalhin ang ID.
Samantala, mayroon ding 45 pesos per kilo ng bigas para sa mga hindi cardholders.
Paalala rin ng pamahalaang lungsod na magdala ng eco bag o iba pang reusable bags upang makaiwas sa paggamit ng plastic. (JEG/PIA-NCR)
