ANG Manila Bay Site Coordinating/Management Office (MBSCMO) ng DENR National Capital Region ay nagsagawa ng 3rd River Management Conference (RMC), na ginanap sa pakikipagtulungan ng mga local government unit sa buong Metro Manila. Binibigyang-diin ng mahalagang kaganapang ito ang patuloy na pangako sa Manila Bay Rehabilitation Program, na naglalayong ibalik at mapangalagaan ang mahalagang daluyan ng tubig na dumadaloy patungong Manila Bay.
Ang RMC, na para sa tatlong river systems—Muntinlupa-Paranaque-Las Pinas-Zapote (MUNTIPARLASPIZAP), Pasig-Marikina-San Juan (PAMARISAN), at Malabon-Navotas-Tullahan-Tinajeros (MANATUTI)—ay ginanap noong ika-10 hanggang ika-13 ng Setyembre na may temang “Strengthening Local Partnerships for Sustainable River Management,” ay nagbigay-diin sa mahalagang papel ng lokal na pamamahala sa pagkamit ng mga layunin sa rehabilitasyon ng Manila Bay.
Itinampok sa mga kaganapang ito ang mga mahahalagang gawain, aktibidad, at mga proyekto na isinasagawa ng mga grupo kaugnay sa MBRP. Dagdag din dito ang mga pagbibigay solusyon sa kanilang mga pangunahing problema, at ang mga susunod na hakbang na kinakailangan para sa patuloy na tagumpay ng rehabilitasyon.
“We are thrilled with the outcome of our RMCs,” ayon kay Forester Haidee D. Pabalate, Site Coordinating/Managing Officer ng DENR-NCR MBSCMO. “The participation and enthusiasm of the NCR LGUs demonstrate a strong collective commitment to the rehabilitation of Manila Bay. Through collaborative efforts and shared responsibility, we are making significant strides towards a cleaner, healthier river system.”
Ang MBSCMO ay nananatiling nakatuon sa pagpapaunlad ng isang magkatuwang na diskarte sa pangangalaga sa kapaligiran at umaasa sa mga darating na kumperensya na higit na magpapalakas sa mga partnership at magtutulak sa higit na pagsulong ng MBRP.
