ANG Republic Act No. 6675 o Generics Act of 1988, ay ang batas na naglalayong tiyakin ang produksyon, sapat na suplay, distribusyon, paggamit, at pagtanggap ng generics.
Nakasaad din sa batas na ito na dapat mayroong listahan ng mga generics at ang kaakibat nitong presyo ang bawat botika. Dapat naka-display ito sa lugar na madaling makita ng konsyumer sa botika. Isa itong paraan para maging maalam ang konsyumer sa mga gamot na mapagpipilian na swak sa kanilang pangangailangan.
Ugaliing hanapin ang listahang ito at magtanong sa inyong botika ng mga mapagpipiliang generics.
