SA inspeksyon ng P178.5 milyong halaga ng smuggled na mackerel sa Maynila, inatasan ni Pangulong Ferdinand R. Marcos Jr. ang Bureau of Customs at Department of Agriculture na palakasin pa ang implementasyon ng Anti-Agricultural Sabotage Act para sa proteksyon ng mga mamimili, at mga magsasaka at mangingisda.
Kasama ang DSWD, nakiisa rin si PBBM sa pamamahagi ng tig-dalawang kilo ng nasamsam na isda sa 21,000 na sambahayan sa Baseco. Nasa 150,000 na pamilya ang makatatanggap ng mackarel, kasama ang mga pinakanangangailangan
sa NCR, Bulacan, at Cavite. Mabibigyan din ang mga city jail, public hospital, at iba pang care facility sa mga nasabing lugar.
