NAG-ULAT si Vice President Sara Duterte sa kanyang Facebook page na Inday Sara Duterte na dumalo siya sa FY 2025 Senate Plenary Budget Hearing para sa sa Office of the Vice President.
Aniya, “Dumalo po tayo sa pagdinig ng Office of the Vice President Budget FY 2025 sa Senado noong ika-13 ng Nobyembre sa Senate Building sa Pasay City.
“Tulad ng lagi kong sinasabi, ipinapaubaya ko ang budget ng ating Opisina sa pagpapasya ng ating mga mambabatas. Gayunpaman, patuloy po tayong magtratrabaho at gagampanan ang ating mandato bilang Bise Presidente. Ang Office of the Vice President ay patuloy na maghahatid ng serbisyo sa ating mga kababayan.
Maraming salamat sa mga miyembro ng ating Senado.
