SA pagdiriwang ng 90th anniversary ng Philippine Charity Sweepstakes Office (PCSO), inatasan ni Pangulong Ferdinand R. Marcos Jr. ang ahensya na ipagpatuloy ang misyon nitong tumulong sa mga pinakanangangailangan.
Binigyang-diin ng Pangulo ang kakayahan ng PCSO na magbigay ng pag-asa sa maraming Pilipino, partikular na sa pamamagitan ng Medical Assistance Program, Institutional Partnership Program, at Medical Transport Vehicle Donation Program. Kinilala rin ni PBBM ang tulong ng PCSO sa mga institusyon gaya ng Tahanan ng Pagmamahal Children’s Home sa Pasig City.
