SA patuloy na pagtugon ng Office of the Vice President (OVP) sa mga nasalanta ng Bagyong Kristine, namahagi ang mga kawani ng Tanggapan ng mga tig-10 kilong bigas kahapon, October 24, 2024.
Sa pamamagitan ng OVP, naipamahagi ang mga bigas sa mga responders ng PNP 2nd Albay Provincial Mobile Force Company. Namahagi rin ng tulong sa mga construction workers sa dalawang construction sites sa Brgy. Rawis, Legazpi City.
Samantala, kasama sa mga nakatanggap ang ilang residente sa mga Barangay ng Lapu-Lapu at PNR Peñaranda sa Legazpi City, at Barangay 3 sa Camalig ang nakatanggap rin ng sako ng bigas. Nabigyan rin ng tulong ang mga apektadong mag-aaral ng Bicol University College of Nursing.
