PINALAKAS na suporta sa Philippine Coast Guard (PCG) sa pamamagitan ng mas mahusay na fleet at air assets, maritime domain awareness, weapons capability, at infrastructure development ang inihayag ni Pangulong Ferdinand R. Marcos Jr. sa ika-123 na anibersaryo ng PCG nitong Oktubre 22, 2024.
Sa selebrasyon, binigyang-pugay ni PBBM ang mga kontribusyon ng ahensya sa kapayapaan ng bansa at kaligtasan ng mga mamamayan sa kabila ng mga hamong dala ng climate change at tensyon sa West Philippine Sea. Pinarangalan din ng Pangulo ang 14 na PCG awardees, at kinilala si First Lady Louise Araneta-Marcos sa kanyang pagsali sa PCG Auxiliary.
