BINIGYANG-DIIN ni Department of Social Welfare and Development (DSWD) Secretary Rex Gatchalian na mahalaga ang pagbibigay ng sapat na medikal at pangkalusugang atensyon sa mga buntis at mga batang may edad na 2 taon at pababa.
Sa pamamagitan ng nakatakdang i-rollout na “First 1,000 Days of Life” o F1KD grant ng Pantawid Pamilyang Pilipino Program (4Ps), layunin nitong maiwasan ang mga sakit sa mga buntis at kabataan at labanan ang malnutrisyon sa bansa, para matamo ang mas malusog at ligtas na kinabukasan sa bawat pamilyang Pilipino.
