NAGHAIN ng kanyang Certificate of Candidacy si dating Pangulong Rodrigo Duterte bilang mayor ng Davao City ngayon, Lunes.
Ang kanyang bunsong anak at kasalukuyang mayor ng Davao City na si Sebastian Duterte, ang kakandidato bilang vice mayor.
Dalawa pa sa kanyang pamilya ang naghain din ng kanilang CoC — ang panganay niyang anak na si Paolo bilang first district representative at anak nitong si Omar bilang second district representative.
Nagsumite ang 79-na-taong si Duterte sa Commission on Elections (Comelec) office sa Davao ngayong Oktubre 7.
