BINIGYAN ni Pangulong Ferdinand R. Marcos Jr. ng mainit na pagbati ang mga guro sa pagdiriwang ng National Teachers’ Day sa Quezon City, at ipinagtibay ang mga hakbang ng kanyang administrasyon upang mapabuti ang kalagayan ng mahigit 860,000 na public teachers sa bansa.
Kabilang sa mga inisyatiba ang paglagda sa Executive Order (EO) No. 174 para sa kanilang career advancement at professional development, at ang pagpapatupad ng Kabalikat sa Pagtuturo Act na nagbibigay ng tax-free na teaching allowance. Inihayag din ng Pangulo ang pagtaas ng sahod sa ilalim ng EO No. 64, pati na rin ang DepEd Order No. 005 para sa patas na kompensasyon sa mga guro na nagtatrabaho lampas sa kanilang oras ng pagtuturo.
