KASABAY ng kanyang kaarawan, inilunsad ni Pangulong Ferdinand R. Marcos Jr. sa Guimba, Nueva Ecija ang Agri-Puhunan at Pantawid program, kasama ang Department of Agriculture, Development Bank of the Philippines, at Planters Products Incorporated ngayong Setyembre 13, 2024.
Sa ilalim ng programa, magbibigay ang pamahalaan ng Interventions Monitoring Cards o IMCs sa bawat magsasaka para sa kanilang pagbili ng punla, pataba sa lupa, at kagamitang pansakahan mula sa accredited merchants.
