UPANG matugunan ang kakulangan ng mga huwes sa Shari’ah courts, naghain ng panukalang batas si Sen. Robinhood “Robin” C. Padilla para ayusin ang kwalipikasyon para sa naturang pwesto.
Sa Senate Bill 2820 na ihinain nitong Miyerkules, layon ni Padilla na amyendahan ang Art. X, Sec. 8 ng RA 11054 o ang organic law ng Bangsamoro Autonomous Region in Muslim Mindanao (BARMM).
Ani Padilla, kinakailangan sa RA 11054 ang pagiging myembro ng Philippine Bar para maging Shari’ah judge sa Shari’ah circuit court.
“As pointed out by the National Commission on Muslim Filipinos, these stringent requirements are one of the reasons why it has become challenging to fill up positions in the Shari’ah circuit courts,” aniya.
Dagdag niya, ipinunto ng NCMF na “since most of the issues discussed under the circuit courts are communal in nature, the judges’ knowledge on the Shari’ah practices must be prioritized over legal expertise.”
Giit din ni Padilla, walang ganitong requirement sa Art. 140 ng Presidential Decree 1073 – ang Code of Muslim Personal Laws of the Philippines ni dating Pangulong Ferdinand Marcos noong 1977. Sa halip, dapat nakumpleto ng mga huwes ang Shari’ah at Islamic jurisprudence (fiqh) courses ng Korte Suprema.
Sa panukala ni Padilla, aalisin sa Art. X, Sec. 8 ng RA 11054 ang requirement na pagiging regular member ng Philippine Bar, at dadagdagan na ang iluluklok na huwes ay nasa pratice ng Shari’ah law ng hindi bababa sa limang taon.
