GAGANAPIN ng Pambansang Komisyong Pangkasaysayan ng Pilipinas ang ika-11 General Assembly ng Local Historical Committees Network (LHCN) ngayong ika-28 ng Agosto 2024, 9:00 n.u. sa Berjaya Makati Hotel, Lungsod ng Makati.
Ang LHCN ay ang pambansang samahan ng mga pribadong organisasyon at yunit ng iba’t ibang pamahalaang lokal, mga dalubhasaan, at unibersidad na nakikiisa sa pagtataguyod ng Kasayasyang Lokal at Pamana sa buong bansa. Sa bisa ng Seksyon 21 ng Republic Act No. 10086, ang LHCN ay kasalukuyang binubuo ng mahigit 90 na kasapi mula sa iba’t ibang bahagi ng bansa. Kasama sa kanilang gawain ay ang pagbuo ng mga programa’t proyekto sa mga lokal na pamayanan para sa pagpapayaman ng kaalamang pangkasaysayan at pamana.
