MASAYANG binat ni Senator Risa Hontiveros ang mga nagsipagtapos na mga bagong doctor sa University of the Philippines College of Medicine sa kanyang Facebook page.
Aniya, “UP College of Medicine graduates, mga doktor para sa bayan, a huge congratulations to all of you!
Bilang mga doktor, ang inyong trabaho ay hindi lang natatapos kapag bumuti na at gumaling ang mga pasyente.
“Kayo ay katuwang ng bansa na punan ang mga kakulangan sa health care system, ipaglaban ang mas matatag na healthcare laws, bumuo ng mga bagong paraan para sa mas epektibong pangangalagang pangkalusugan, at maging inspirasyon sa mga susunod na henerasyon.
“Muli, kailangan namin kayo.
“Wala akong duda sa inyong kakayahan. Alam kong inihanda at pinanday kayo ng UP para dito.
Take pride and responsibility in choosing a profession that isn’t just a job, but a calling. Magtulungan tayong lumikha ng isang healthcare system na nagsisilbi sa lahat ng Pilipino nang may respeto at dignidad.
“Mabuhay, mga Isko at Iska!”
