MASAYANG nag-post si Senator Joel Villanueva sa kanyang Facebook page ng pasasalamat kay Pangulong Ferdinand Marcos Jr. sa pagbabawal nito sa Philippine Offshore Gaming Operators o POGO na inanunsiyo sa ikatlong State of the Nation Address ng Pangulo.
Ani Sen. Villanueva: “Thank God that POGOs’ days are numbered!
“Lubos po tayong nagpapasalamat kay Pangulong @bongbongmarcos sa pag-anunsyo ng total POGO ban sa kanyang ikatlong State of the Nation Address (SONA) ngayong Lunes. Simula palang po ito at patuloy po ang ating panawagang ipatigil na ang lahat ng klase ng online gambling sa bansa.
Sinusuportahan po natin ang Pangulo sa kanyang paninindigan na ipagtanggol ang ating soberenya sa West Philippine Sea. Napakinggan rin po natin ang mga plano ng administrasyon pagdating sa agrikultura, kahirapan, trabaho at edukasyon. Mabuhay!”
