PINANGUNAHAN ni Vice President Sara Duterte ang closing ceremony ng 2024 Palarong Pambansa sa Cebu City. Narito ang kanyang pahayag sa kanyang Facebook page kasama ng mga larawan.
“Lubos ang aking kasiyahan na tayo ay nakadalo sa pormal na pagtatapos ng 2024 Palarong Pambansa na ginanap sa Lungsod ng Cebu kahapon (Hulyo16).
“Maraming salamat sa mga lokal na pamahalaan ng Cebu, mga ahensya ng gobyerno, at mga pribadong sektor sa inyong buong suporta sa lahat ng mga kaganapan ng Department of Education dito sa Isla ng Cebu kasama na ang Palarong Pambansa 2024.
“Sa lahat ng mga magulang ng ating mga atleta at coaches, mga guro, non-teaching personnel, technical support staff, at sa mga bumubuo ng Kagawaran ng Edukasyon — daghang salamat kaninyong tanan.
“At sa lahat ng mga disiplinado at magagaling na mga atletang lumahok, congratulations! Garbo namo kamo! Garbo kamo sa inyong tagsa-tagsa nga komunidad!
“Mga kababayan, patuloy po tayong maging ‘Matatag’ tungo sa pagtaguyod ng isang Bansang Makabata at mga Batang Makabansa.
“Ang lahat ng ginagawa natin ay para sa Diyos, sa Bayan, at sa Pamilyang Pilipino.
“Shukran.”
