KASABAY ang pagsasabatas ni Pangulong Ferdinand R. Marcos, Jr. ng expanded Centenarian Act, inaprubahan ni Department of Budget and Management (DBM) Secretary Mina Pangandaman ang paglikha ng walong karagdagang regional offices at 96 posisyon para sa National Commission of Senior Citizens (NCSC) noong Lunes, Pebrero 26, 2024.
“I echo the sentiments of the President when he emphasized that ‘we stand on the shoulders of giants.’ Our elders are the pillars of society. We owe so much to them. It is the time for us to recognize their significance and guarantee the dignity and rights that they fairly deserve,” pahayag ni Sec. Mina.
Pagpapalakas ng NCSC
Itinakda ng Republic Act No. 11350, na may petsang Hulyo 25, 2019, ng pagbuo ng National Commission of Senior Citizens (NCSC) sa ilalim ng Office of the President. Ang pangunahing layunin nito ay ipaglaban at palakasin ang ugnayan sa pagitan ng mga stakeholder at senior citizens, tiyakin ang matagumpay na pagpapatupad ng iba’t ibang programa at serbisyong nakatuon sa pagpapabuti ng kalusugan at kabutihan ng mga senior citizens, at lumikha ng isang kapaligiran na sumusuporta at tumatangkilik sa kapakanan ng mga senior nakatatanda.
Ayon sa datos mula sa NCSC, naglilingkod ang Komisyon sa mahigit siyam na milyong senior citizens na may edad na 60 pataas, mula sa Rehiyon I hanggang XIII, CAR, at National Capital Region (NCR).
Upang tiyakin ang maayos na paghahatid ng kanilang mandato, layunin ng NCSC na magkaroon ng representasyon sa bawat rehiyon ng bansa. Alinsunod dito, ang paglikha ng walong bagong Regional Offices (ROs) ng NCSC ay inaprubahan ng DBM na itatag sa Ilocos Region, Central Luzon, Mimaropa, Bicol Region, Western Visayas, Northern Mindanao, Caraga, at Cordillera Administrative Region.
Dagdag dito, may kabuuang 96 posisyon ang nilikha ng DBM para sa mga bagong ROs, na pamumunuan ng isang Director IV. Alinsunod sa Section 11 ng RA No. 11350, inilipat na ng Department of Social Welfare and Development ang programang: Assistance to Older Persons sa ilalim ng FY 2024 General Appropriations Act.
“The strengthening of the NCSC is another important step in the development of our country. Our elders are custodians of tradition and culture. Often, they are mediators of peace, mentors, and community leaders. They will always be valuable assets to our nation, so we really take good care of them,” paliwanag ni Sec. Mina.
