MASAYANG ibinalita ni Bise Presidente Sara Duterte sa kanyang Facebook page na marami siyang natutunan sa kanyang biyahe sa Malaysia kung saan dumalo siya sa Southeast Asian Ministers of Education Organization (Seameo). Nagpasalamat siya sa mainit na pagtanggap sa kanya at sa mga delegado ng Pilipinas upang palakasin ang pakikipagtuwang ng bansa sa larangan ng edukasyon, agham at kultura sa Malaysia.
Sa kanyang speech bilang kasalukuyang pangulo ng Seameo, pinasalamatan niya ang kalihim ng Minister of Education ng Malaysia na si Fadhlina Sidek.
“I am grateful to the Honourable Fadhlina Sidek, Malaysia’s Minister of Education, for our productive conversation earlier, on the critical role of education in a nation’s growth, innovation, and a hopeful future. Thank you for reaffirming our partnership and your continued support to Seameo,” sabi ng Pangalawang Pangulo Sara Duterte.
