MASAYANG ibinalita ni Senate President Juan Miguel Zubiri sa kanyang Facebook page na Senator Migz Zubiri na pasado na ang PNP Organizational Reforms bill sa Senado.
Aniya, “Aprub na po sa Senado ang PNP Organizational Reforms bill, na lalong magpapatibay sa pwersa ng ating kapulisan.
Sa ilalim ng batas na ito, magkakaroon ng fixed term ang PNP Chief na magpapalakas sa liderato ng ating mga kapulisan.
Magbibigay daan din ang batas na ito upang mas mabuti nilang magampanan ang kanilang mandato na protektahan ang ating mga komunidad.
Congratulations po sa ating sponsor na si Sen. Bato dela Rosa.”
