PINANGUNAHAN nina Vice Mayor Monique Lagdameo, Cong. Luis Campos, Cong. Kid Peña, at mga konsehal ang selebrasyon ng Araw ng mga Kasambahay sa Makati.
Nagkaroon ng lecture series tungkol sa mga batas at benepisyo ng mga kasambahay sa lungsod.
Sagot naman ng Tesda ang pamper session nila. Kasama rito ang libreng massage, facial services, manicure, at pedicure. Mayroon ring siomai making tutorial, at short training courses and assessment.
Ayon kay Mayor Abby Binay, ang aktibidad na ito ay pagkilala sa mahalagang kontribusyon ng mga kasambahay sa komunidad.
Dumalo rin sa selebrasyon sina Atty. Olivia Samson, OIC- Assistant Regional Director at Atty. Gerard Peter Mariano, OIC-Director II mula sa DoLE-NCR Makati Pasay Field Office.
