MALUGOD na tinanggap ni Mayor Eric Olivarez ang mga donasyong notebook mula sa Mega Print Offset Printing sa pangunguna ng Tan Family nitong Huwebes sa Parañaque Elementary School Central sa Barangay San Dionisio.
Ayon sa punong lungsod, ang mga notebook na ito ay para sa mga mag-aaral sa Grade 4, 5, at 6 ng Parañaque Elementary School Central, San Dionisio Elementary School, at Parañaque Elementary School Unit II.
Inihayag naman ni Mayor Eric ang kanyang pasasalamat sa Mega Print Offset Printing sa pangunguna ng Tan Family sa kanilang kagandahang-loob. Aniya, ito ay malaking tulong para may magamit ang mga estudyante sa kanilang pag-aaral.
Dumalo rin sa programang ito sina District 1 Councilor Pablo “Paolo” Olivarez, Barangay San Dionisio Captain Eva Olivarez, at ang mga punong guro ng Parañaque Elementary School Central, San Dionisio Elementary School, at Parañaque Elementary School Unit II.
